Santuingesu. Agenti de lìburus. Scriit in "La Gazzetta del Medio Campidano". Est atori amatoriali de sa truma teatrali "Muredda". Stimadori de sa stòria, sa lìngua e sa cultura sarda.
Maista de scola; ddi praxit meda a scriri, ligi e fueddai su sardu, imbentai cantzoneddas, cumedieddas po pipius e dònnia tanti scriit poesias. Fatu-fatu pigat parti a cursus de sardu.
De Carbònia. Professori de scola. Faidori de circùitus eletrònicus e programadori. Cultori de su cantu de sei e de sa mùsica sarda in generali. Imoi est bivendi in su de Is Urigus (Sant'Uanni Suèrgiu).
Dotora in meixina, ddi praxint meda is scièntzias, sa stòria e sa natura. Scriit in custu blog po fai divulgatzioni scientìfica in sardu.
Cardiòlogu mogoresu, studiosu de sardu, maistraxu universidàriu de Didattica del sardo cun prof. Blasco Ferrer.
Cordinadori scientìficu de Acadèmia de su sardu; cumponenti de is Comitaus de Arrègulas de sa norma sarda campidanesa, DFC - Dizionario fondamentale del campidanese, Su Sardu - Proposta de ortografia e Su Sardu Standard.
At pubricau Is primus 1000 fueddus in sardu, fueddàriu pinturau e In Mòguru, a is tempus nostus, arregordus e contus de bècius mogoresus. At tradùsiu in sardu Salomè e S’importu de essi onorau de Oscar Wilde e Su printzipeddu de Antoine de Saint-Exupéry.
Nàscïu in su ‘94 e crèscïu in Pabillonis, s’est mòviu a Bologna candu teniat bint’annus po studiai e de innì a Terra Inglesa cun su progetu Erasmus. Torrau a Sardìnnia, imoi est studianti de Relatzionis Internatzionalis in s’Universidadi de Casteddu.
Ativista e grandu stimadori de sa mùsica, sonadori de ghitarra in d-unas cantu bandas de su Campidanu ’e Mesu. Studiosu fitianu de su jazz. Traballat po promovi sa cultura locali impari a su sòtziu Benas cumenti e presidenti.
Casteddaju, programadori de software. Ddi praxit a tirai fotografias e a scriri contixeddus. Pesau in italianu est chistionendi in sardu de pagus annus.
De Carbònia, professori de literadura e stòria in sa scola media superiori. Amantiosu de stòria de Sardìnnia e de fotografia. At scritu po giornalis e giassus web. Reladori po cunferèntzias de argumentu stòricu.
Pabillonesu, programadori. Tenit unu blog in sardu chi chistionat de economia Sardunomics.
Cuartesu de una parti, s'atra est ollastina. Personal trainer, sifu (maistu) de wing chun, dirigidori de palestra in Cuartu etotu. Circat de fai letzioni in sardu, pruschetotu cun piciocus giòvunus, cosa trumentosa ma profetosa. At sighiu po unus cantu mesis sa pàgini fb "Letzioni di sardo" chi at mollau, a dolumannu, po su pagu tempus chi tenit. Est in circa de ndi-dda torrai a pesai, cun bideas noas e prus interativa.
Operadori curturali.
Laureau in informàtica, traballat comenti tènnicu e programadori; promovit s'impreu e s'abaloramentu de sa lìngua sarda me in su Cìrculu de is sardus in Valencia. Amantiosu de scièntzia, mùsica, lìburus, coxina e viàgius, no biit s'ora de scriri apitzus de custus argumentus in sardu.
Professori de economia de sienda in s’Universidadi de Casteddu. Ocannu – 2020 – at inghitzau a scriri po Bideas.
Impreau pùbbricu, interessau a archiologia, stòria e pruschetotu lìngua sarda. Ativista de su movimentu linguìsticu, fait parti de s'Acadèmia de su Sardu. At furriau in sardu 'La bella di Sanluri' (Sa bella de Seddori) de Salvatore Deledda, 'L'Avaro' (Su Susuncu) de Molière, ambaduas òperas rapresentadas in teatru. In Sàrdara est stètiu aministradori comunali cun delega a su bilinguismu e presidenti de sa Consulta Cultura e Lìngua Sarda. Imoi est presidenti de sa Pro loco.
Nàscïu e pesau in sardu in Giauni, Marmilla. Passionau de lìngua e cultura de sa terra nosta, circat de portai su Sardu anca est sparessendi: in su traballu (in d-unu stùdiu de dentista) e me is chistionis cun is stràngius. Iscritu in s'Acadèmia de su Sardu de su 2019.
Filla de emigraus sardus de Biddeputzi a Berlinu. Maista de scola in lìnguas e teatru. Ativista de sa lìngua sarda de su 2001. Est stètia presidenti de su Cìrculu Sardu de Berlinu.
Studianti de economia, stimadori de is culturas de logu e sòtziu de Benas, assòtziu culturali de Pabillonis.
De Gonnonò in provìntzia de Aristanis. Est laureada in scièntzias naturalis e in scièntzias de s'educatzioni e formatzioni.
At traballau in is ufìtzius linguìsticus in Gonnonò e Marmilla. Imoi est operadora de s'ufìtziu lìngua sarda de sa provìntzia de Aristanis.
Casteddaju. Potecàriu in Ceraxus.
Titulari de sa staria "Su Furriadroxu" in Pula. Candu fait, po nci passai su tempus, ddi praxit a disinniai e a pintai.