Gosai-sì su segundu vìdeu de s’assòtziu Benas, parti de su progetu “Po sa lìngua nosta”. Est giai bessiu de diora (unus cantu mesis a oi) e fueddat de sa natura e de is matas chi agataus in su sartu, arremonendi:

  • sa modditzi [1], po su prus abarrat unu fundu chi bessit a tupa manna puru a segundu de is logus e de cantu arrennescit a cresci;
  • e su tàsuru  [2] chi podit essi fundu o mata chi tirat povintzas 7 metrus de artària.

  A s’acabbu podeis ascurtai unu contixeddu puru, chi in d-una manera allirga circat de trasmiti sa bidea de arrispetu e amparu de sa natura. Bollu perou torrai gràtzias po s’agiudu e sa passièntzia de Fràviu e Carolina chi ant fatu unu traballu spantosu de no ddu crei! A ndi fai àterus centu e prus!

Nodas

  1. Modditzi: Lentischio – Lentisco più comunemente
  2. Tàsuru: Alaterno

Lascia un commento

Il tuo indirizzo email non sarà pubblicato. I campi obbligatori sono contrassegnati *