Custu est su testu de We Will Go Home – Song of Exile, una cantzoni scrita de Caitlin Matthews, po su film Urrei Arturu (King Arthur) bessiu me is cìnemas in su 2004. Ant a essi is fueddus o sa mùsica: mi-ddoi imbucat su frius dònnia borta chi dd’ascurtu, diessi! Cun is strioris in totu sa peddi.

  Innoi agatais su vìdeu e su testu in ingresu de Aron Van Selm – Song of Exile (Cover). E deu dd’apu tradùsia in sardu:

 

Terra de s’ursu e terra de s’àchili
Terra chi s’at fatu nasci e s’at benedìxïu
Terra chi s’at tzerriau sèmpiri de torrai a domu
Eus a torrai a domu atressendi is montis

Eus a torrai a domu, eus a torrai a domu
Eus a torrai a domu atressendi is montis (2x)

Terra de libertadi e terra de erois
Terra chi s’at donau spera e arregordus
Ascurta su cantu e su disígiu nostu ‘e torrai
Eus a torrai a domu atressendi is montis

Eus a torrai a domu, eus a torrai a domu
Eus a torrai a domu atressendi is montis (2x)

Terra de su soli e terra de sa luna
Terra chi s’at donau prexu e dispraxeris
Terra chi s’at donau amori e cuntentesa
Eus a torrai a domu atressendi is montis

Eus a torrai a domu, eus a torrai a domu
Eus a torrai a domu atressendi is montis (2x)

Candu sa terra est inguni, ananti de nosu
Seus torraus a domu atressendi is montis

 

  Ddoi at unu biaxi de vìdeus me in Youtube asuba de custa cantzoni poita ca sa Walt Disney, a dispraxeri mannu, no iat bòfiu fai bessiri s’originali: difatis no torrant mai a su testu de sa scridora. Comuncas, castiai-sì àteras versionis:

Lascia un commento

Il tuo indirizzo email non sarà pubblicato. I campi obbligatori sono contrassegnati *