PREMISSA

S’idea de custu calendàriu nascit de su fatu de si-nd’essi acataus ca is sardus connoscint pagu sa stòria e sa cultura insoru. No si depeus spantai de s’ora chi in is lìburus de scola issus no ddoi funt! Candu studiaus calincuna cosa chi fueddat de Sardìnnia est scéti gràtzias a docentis cuscientziosus. Studiaus calisisiat stòria e cultura de su mundu foras de sa nosta! Nosu pensaus chi custu creit dannu mannu a sentidu de apartenèntzia e autostima de pòpulu e, mancai no in manera dereta, a s’economia nosta puru ca candu elaboraus un’idea de svilupu, bortas medas no parteus de su chi seus e teneus (ca no ddu connosceus), ma, pensendi chi siant mellus, castiaus scéti a “is cosas” allenas! Is sardus tenint una stòria longa meda e a tretus originali e che a totu is pòpulus de su mundu si funt dèpius cunfrontai e bortas medas gherrai cun is àterus pòpulus, su prus de is bortas benius cun ideas de conchista e sfrutamentu. Seus su chi seus, s’arresurtau de s’evolutzioni stòricu-culturali, duncas podeus bantai una stòria, una lìngua e una cultura, e cun custu bagàlliu si boleus cunfrontai cun su mundu in d-una lògica de cambiapari, di scambio. Spereus chi custu traballu bosi praxat!

SA CONSULTA CULTURA E LÌNGUA SARDA – SÀRDARA
https://www.facebook.com/consultaculturalinguasardasardara/
 

Lascia un commento

Il tuo indirizzo email non sarà pubblicato. I campi obbligatori sono contrassegnati *