Is monumentus naturalis de Sardìnnia – 1

Furriau in sardu de s’originali, pigau de “Monumenti naturali geologici della Sardegna”, de Luigi Sanciu, geòlogu, Roberto Rizzo e Antonello Angheleddu (Bones design studio) po su Parcu Geomineràriu stòricu e ambientali de Sardìnnia

Fotografias pigadas de su giassu Sardegna Turismo

 

 

  Sa “preta istampata” est unu muru mannu de pedra in sa parti faci a mesudii de su Monte Tuttavista, a 2.5 km de Garteddi, est arta prus o mancu 40 m e tenit in sa parti de susu unu stampu tundu.

  S’arroca est fata de pedra de carcina de su Mesozòicu, bècia 140 millionis de annus, e oi dda bieus diaici poita ca s’àcua e su bentu impari a su carsismu superfitziali si-dd’ant papada.

  It’est su carsismu superfitziali? Est candu s’àcua currit apitzus e aìnturu de un’arroca carcinàrgia e abellu abellu dda scallat e istuvonat, poita ca est unu pagu àcida e fait arreatzioni chìmica cun sa pedra de carcina chi est bàsica. Custu no podit sutzedi in d-un’arroca de granitu o de scistu.

  Ma cumenti s’est obertu su stampu? Innantis s’àcua e su bentu ant fatu unu muru mannu, pustis in su prus logu dèbili de sa pedra s’est obertu unu stampu chi cun su tempus s’est amanniau.

  Sa “preta istampata” de Garteddi po sa particularidadi cosa sua est nomenada che a “monumentu naturali de Sardìnnia”.

 

Lascia un commento

Il tuo indirizzo email non sarà pubblicato. I campi obbligatori sono contrassegnati *