Hotel California

de Marco Corda
su 25 mesi de ladàmini 2018

Hotel California est una cantzoni de s’album cun su pròpiu nòmini, de su 1976. Contat de un’albergu lussuosu meda aundi “podis bessiri dònnia borta chi ‘olis, ma no ti-ndi podis andai mai”. Don Henley, su cantanti de sa truma, chi dd’at scrita puru, dd’at definia “s’interpretatzioni nosta de sa bella vida in Los Angeles”. S’arrevista Rolling Stone dd’at posta in sa de 49 positzionis in sa classìfica de is 500 prus cantzonis bellas de sèmpiri.

 

In d-unu stradoni scuriu e desertu, bentu friscu in is pilus

Fragu callenti de marijuana pesendi-sì in s’ària

Castiendi atesu apu biu una luxixedda

Tenemu sa conca grai e is ogus pistinchendi

Mi seu dèpiu firmai po sa noti

 

Issa fiat in sa genna

Intendemu sa campana ’e sa crèsia

E pensamu aìntur’e mei

Podit essi su celu o s’inferru

Insandus issa at allutu una stiàrica e m’at amostau su mori

Nci fiant boxis in su passadòrgiu

Apu pensau de ddas intendi narendi

 

Beni bènniu a s’hotel california

‘Ta logu bellixeddu

‘Ta faci bellixedda

Prenu ’e aposentus a s’hotel california

Aìntur’e totu s’annu gei ndi podis agatai innoi

 

Ddi praxit s’oreria, tenit una Mercedes Benz

Tenit meda piciocus bellixeddus, ddus tzèrriat amigus

Baddant in su corratzu, sudaus in s’istadi

Calincunu baddat po arregordai, calincun’àteru po scaresci

 

Insandus apu tzerriau su capitanu,

«Po praxeri, portit-mì unu pagu ’e binu»

M’at nau: «Est de su millinoixentus-sessantanoi chi no ndi teneus prus»

E cussas boxis tzerriendi torra de atesu

Ti-ndi scidant in mesu ’e sa noti

Sceti po ti nai

 

Beni bènniu a s’hotel california

‘Ta logu bellixeddu

‘Ta faci bellixedda

Funti spassiendi-sì meda a s’hotel california

‘Ta bellu spantu, prepara-tì

 

Sprigus in sa bòvida

Champagne arrùbiu in su ghiàciu

Issa m’at nau, innoi seus presoneris de nosus etotu

E in is aposentus de su maistu

Ddoi funt adobiaus totus po papai

Ddu infrissint cun is gorteddus acutzus

Perou no arrennescint a bociri s’animali

 

S’ùrtima cosa chi arregordu

Est ca femu currendi concas a sa genna

‘Olemu agatai su passadòrgiu po torrai aundi femu a princìpiu

Asselia-tì, m’at nau s’òmini ’e sa noti

Nosu arriceus

Tui podis bessiri dònnia borta chi ‘olis

Ma de innoi no ti-nd’as a podi andai mai prus

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.